奧運熱潮就特別多活動推出，之前係網站見有免費攀石活動，雖然都只係玩一個鐘，不過俾一向零運動細胞小小豬體驗郁動下都係一件好事，所以就即刻報名。
幸運地我地抽中左，所以前日就去調景嶺運動場玩下。攀石之前都玩過幾次，不過户外就係第一次，小小豬啲石位係有啲唔同，比較難啲哦！
以免費體驗活動嚟講佢都唔會hea，教練都好耐性咁教，對住啲驚嘅小朋友都會鼓勵佢地去試。同場有8位小朋友一齊輪流攀石，每人可以攀兩次左右。
雖然係得兩次，不過都用晒小朋友嘅精力了，所以小小豬都攀到大汗耷細汗，仲話依一個鐘夠晒放電，手腳都冇哂力...哈哈~
Key Connect 啟鑰